Aretha Franklin ataya los sos próximos conciertos por encamientu médicu

La reina del Soul, Aretha Franklin, atayó esta selmana los sos próximos conciertos previstos p’agostu y setiembre per encamientu médicu, sigún señaló nun comunicáu la oficina de la cantante.

“Por cuenta de ordes médiques toi atayando dellos conciertos el próximos mes”, indicó la intérprete nun comunicáu, nel qu’espresó’l so pesar por nun poder actuar nes feches previstes en Nueva York y Washington, que dixo son de “les sos ciudaes preferíes”.

L’artista, de 74 años, referíase al so conciertu del próximu 26 d’agostu en Washington, nel Wolf Trap National Park for the Performing Arts, que yá avisó a los asistentes de la cancelación. Tamién al conciertu homenaxe a Tony Bennett nel que diba participar nel famosu Radiu City de Nueva York al pie de otres estrelles como Lady Gaga o Andrea Bocelli.

Nesi mesmu teatru tenía diba actuar en solitariu’l día 23 de setiembre qu’hasta agora nun apaez como canceláu na páxina web de la sala. “Nun quiero perdeme nengunu”, indicó amás nel so comunicáu. La estrella estadounidense tien otros conciertos n’axenda n’Estaos Xuníos n’ochobre y noviembre y una xira n’Europa.