Portada Política Areces recuerda que l’asturianu pierde la oportunidá de tar nel Senáu porque nun ye oficial

Areces recuerda que l’asturianu pierde la oportunidá de tar nel Senáu porque nun ye oficial

by asturnet

El presidente d’Asturies, Vicente Álvarez Areces, destacó esti xueves que l’asturianu nun ye una llingua cooficial y por tantu “nun-y correspuende que nel Senáu tamién esista traducción de la mesma”. Unes declaraciones que recuerden cómo la falta d’oficialidá del asturianu fai perder puestos de trabayu a los conocedores del idioma, mientres financiamos les traducciones al gallegu, catalán y vascu.

Areces fizo les declaraciones nel programa Protagonistas Madrid” de Punto Radio Madrid, qu’esti xueves emitía’l so programa dende la Feria Internacional de Turismu d’España (FITUR).

“Nel Senáu creo que lo que se plantegen son les llingües cooficiales y el bable nun lo ye”, dixo Areces que recordó que l’asturianu “tien protección, sofítase’l so espardimientu y el so usu, ta recoyío nel Estatutu d’Autonomía protexer el bable y los sos variantes pero nun tien calter de llingua cooficial”. Areces añadió que’l Gobiernu d’Asturies “va siguir sofitando nos términos estatuarios nos que ta recoyío”.

Tamién te podria gustar