Ara Malikian actúa nel Teatru la Llaboral

Esti 30 d’ochobre’l violinista d’orixe llibanés y ascendencia armenia ufierta un conciertu dientro de la so xira “15”, que lu lleva polos meyores teatros d’España repasando los postreros 15 años de la so carrera, con un estilu propiu fundiendo músiques de distintes cultures.

Ara Malikian lleva viviendo n’España 15 años, y celebrar con una xira única ya irrepetible, cola que busca cerrar un ciclu na so etapa como músicu p’abrir una nueva empobinada a un mercáu muncho más internacional al par que compon el so propiu repertoriu.

Tres más de 4.000 conciertos per toa España, Ara Malikian quier devolver al públicu tol sofitu recibíu nos 15 años viviendo nel país, con una xira llena de grandes obres ayenes según les sos primeres composiciones en más d’una década.

Anguaño, Ara Malikian realiza más de 450 funciones añales en más de 40 países gracies a que participa en más de 10 espectáculos distintos al llau de grandes músicos. Tamién foi nomáu pa los Grammys Llatinos al “Meyor vídeu musical versión llarga” pol so discu ’15’.