Antón Menchaca aporta esti martes al Xovellanos

Antón Menchaca consolidóse como una de los apuestes más orixinales y ventureres del panorama musical asturianu, y consiguió daqué que paecía bien difícil: abrir la tonada a nuevos espacios físicos y sonoros, como va amosar esti martes caberu d’agostu nel Xovellanos de Xixón.

Belén Antón y Pedro Menchaca, viniendo de tradiciones musicales bien distintes, llogren un ensamble musical suxestivu y libérrimo. Antón, posesora d’una sólida formación na tonada asturiana con maestros como Ismael Tomás Montes o Anabel Santiago y dueña d’una voz apinada de matices ya inflexones que sosprienden pola so sotileza y versatilidad, escueye con criteriu los cantares del repertoriu de l’asturianada que meyor s’avienen a ser  actualizaes n’otros rexistros; Menchaca, guitarrista hiperactivo y ventureru, gran improvisador y militante en bandes heterodoxes como Cuac! o Senogul, apurre una visión vanguardista a la sonoridá del grupu, pa lo que nun #duldar n’añedir tou tipu d’artefactos y efectos sonoros a les sos guitarres. La resultancia ye una versión actualizada, bien personal y mutante de la tonada asturiana.

Teatru Xovellanos
Cuando: 31 d’agostu de 2021 a les 20:00