Andecha Astur entama una manifestación n’Uviéu por mor del Día de la Nación Asturiana

Andecha Astur va celebrar el día 8 de forma reivindicativa n’Uviéu con una manifestación que va salir a les 13 hores de la Estación del Norte y va finar na plaza Porlier con un actu políticu.

Andecha Astur plantegaba qu’esti 8 setiembre, les formaciones sociales y polítiques asturianes ficieran la manifestación conxunta, “convocando nel mesmu espaciu y tiempu, faciendo caún la so propia convocatoria y emplegando los sos propios lemes, de tala miente que les diferiencies esistentes nel movimientu socio-políticu asturianu nun torguen la necesaria espresión de fuercia y voluntá d’entendimientu”. Una propuesta que nun recibió una rempuesta positiva per parte de les demás organizaciones asturianes.