Abiertes inscripciones en 8 actividaes pa mayores n’Avilé

L’Área de Servicios Sociales del Conceyu d’Avilés abrió’l periodu d’inscripción nes 8 nueves actividaes programaes para mayores de la ciudá, prioritariamente usuarios y usuaries de los Servicios d’Atención Domiciliaria.

De les 8 actividaes, 4 son acutaes a esti colectivu de persones receptores d’atención domiciliaria, que tamién tien prioridá nes 4 restantes, anque nesti casu tán abiertes a mayores polo xeneral si esistieren places llibres.

Concretamente, son esclusives pa persones usuaries de los Servicios d’Atención Domiciliaria les actividaes “Camina al to ritmu”, “Cafés-Creando redes”, “Salíes urbanes” y “Actividaes en casa”. Pela so parte son abiertos, con prioridá para dichu colectivu, los talleres “Mueve’l to cuerpu, activa la to mente”, “Teatru terapéuticu”, “Avérate a la tecnoloxía” y “Charres d’interés”.

Les persones interesaes n’inscribise nestes actividaes, que cunten con places llindaes, van poder faelo al traviés del personal encargáu de realizar el serviciu en cada casa.

Nel casu de les actividaes abiertes van poder inscribise en:

Centros Sociales de Persones Mayores de Les Meanes y Llaranes
Servicios Sociales (C/ Galiana 11) Teléfonos: 985 55 16 20 / 985 54 92 25
Corréu electrónicu: redmayoresaviles.es

Ver programa d’actividaes ufiertaes