Abierta la inscripción pa los cursos gratuitos d’informática nel Telecentru La Corredoria

Yá ta abiertu’l plazu d’inscripción pa participar nos cursos formativos previstos pal mes de xunu nel Telecentru La Corredoria. En total ufiértense cinco cursos que se van desenvolver en distintos horarios, con cuenta de facilitar la participación al mayor númberu de persones.

Esta selmana quedó abierta la inscripción pa los cursos gratuitos d’informática nel Telecentru La Corredoria que van tener una duración de 20 hores lectives cada unu d’ellos, sacante’l de Manexu de Smartphone, que va ser de 10 hores. En concretu ta previstu un cursu d’Informática Avanzada del 4 al 15 de xunu, ente les 19 y les 21 hores, dirixíu a persones que conocen el manexu del ordenador. Asina mesmu ta previstu’l desenvolvimientu de dos cursos pa persones que, amás de conocer el manexu del ordenador, usaron dalguna vegada Internet, y que se van desenvolver del 4 al 15 de xunu: Internet Avanzáu, ente les 11 y les 13 hores, ya Internet pa la vida cotidiana, ente les 17 y les 19 hores. Tamién se va falar del usu de les tecnoloxíes de la información como recursu d’accesu al emplegu nel cursu Busca d’emplegu al traviés de les TIC del 18 al 29 de xunu, ente les 17 y les 19 hores. A lo último, ta previstu un cursu de Manexu de Smartphone del 18 al 22 de xunu, ente les 11 y les 13 hores, dirixíu a quien tien conocencies bien básiques del usu d’un teléfonu móvil, y cola cuenta de conocer y ampliar les posibilidaes de los dispositivos móviles del propiu alumnáu.

Estos cursos formen parte d’una programación trimestral y diríxense a persones  de cualquier edá, a partir de los 16 años, que tienen d’inscribise primeramente, magar la matrícula ye de calter gratuitu. P’ampliar la información y formalizar les inscripción puede faese n’el mesmu Telecentro La Corredoria, na cai José Requejo nº16, teléfonu 984282523 cjcoredoriaoviedo.es