Abierta la inscripción nes Escueles Infantiles de 0 a 3 años n’Avilés

El Serviciu d’Educación del Conceyu d’Avilés abrió esti llunes, 4 d’abril, el plazu d’inscripción pa solicitar plaza pal próximu cursu nes 3 escueles del Primer Ciclu d’Educación Infantil (de 0 a 3 años) de la ciudá: La Madalena, La Toba y El Quirinal.El plazu remata’l vienres 15 d’abril. Tienen prioridá les persones empadronaes o que trabayen n’Avilés. Consulte equí les bases y documentos de la convocatoria.

El plazu pa presentar les instancies va estender hasta 15 d’abril, dambos inclusive. Estes 3 escueles formen parte de la Rede Pública d’Escueles de Primer Ciclu d’Educación Infantil del Principáu d’Asturies. Les instrucciones que rixen el procedimientu d’almisión del alumnáu del 0 a 3 años pal próximu cursu 2016/17 tán regulaes pola Conseyería d’Educación y Cultura.

Van poder solicitar plaza los padres, madres o tutores llegales de los neños y neñes menores de tres años, o que’l so nacencia prever nel añu en cursu, priorizándose les de les families que moren n’Avilés o acrediten tener nel conceyu’l so llugar de trabayu habitual. Les families qu’anguaño tán en llista d’espera tendrán de presentar nueva solicitú con tola documentación riquida, pos van ser consideraes como nueves solicitúes de matrícula.

Les solicitúes podrán recoyese nes distintes Escueles de Primer Ciclu d’Educación Infantil d’Avilés:

• La Madalena. C/ Leopoldo Alas, 3. 33402 Avilés.
• La Toba. C/La Toba, 7. 33460 Avilés
• El Quirinal. C/ Juan XXIII, 21. 33401 Avilés.

Una vegada rellenada la solicitú, ésta apurriráse al traviés de Rexistru ente’l 4 y el 15 d’abril en:

• Serviciu d’Atención Ciudadana del Conceyu d’Avilés
• SAC de la Plaza d’España, 1. Llunes a Vienres de 08:30 a 14:30 y martes y xueves de forma atayada hasta les 17:00 hores.
• SAC del Centru de Servicios Municipales El Focu (Avenida Santa Apolonia, 126. Villelegre). Llunes a vienres de 8:30 a 14:30 hores y martes y xueves de 8:30 a 17:00 hores.
• En cualesquier otru rexistru válidu según l’artículu 38.4 de la Llei 30/1992 de Réxime Xurídicu de les Alministraciones Públiques y del Procedimientu Alministrativu Común.

Más información y documentación