El IX Premiu al Meyor Cantar decídese esti vienres 30

Esti vienres 30 pela tarde van tocar na gala los cinco finalistes qu’opten al El d’esti 2016 y que son los músicos Anabel Santiago y Fernando Valle Roso y los grupos Bacotexo, La Tarrancha y Vrienden. D’ente ellos va salir depués de les 20 hores nel Auditoriu Municipal de la villa polesa’l ganador del Premiu nesta edición de 2016.

A la edición d’anguaño podíen optar aquellos temes orixinales n’asturianu o en gallego-asturianu editaos nel 2014 y el 2015, pola mor del paréntesis abiertu l’añu pasáu na convocatoria del premiu. Na gala d’esti 30 de setiembre, depués de ver l’actuación de los cinco candidatos, el xuráu que los escoyó como finalistes, formáu por especialistes en música y llingua asturiana, va escoyer tamién el cantar ganador. Na celebración, la Banda de Gaitas El Trasno, ganadora de la última edición col tema «Volviche», va dar un conciertu. Na web del Premiu puen sentise los cantares finalistes y conocer la lletra y una biografía pequeña de cada grupu o artista