Podemos pidirá modificar el Reglamentu de Permanencia d’Uniovi

Daniel Ripa y Héctor Piernavieja, caltuvieron esti miércoles una xunta con miembros del Conseyu d’Estudiantes de la Universidá d’Uviéu y de la Plataforma d’Afectaos pol Reglamentu de Permanencia pa plantegar la so modificación y pidir la paralización de toles espulsiones.

Esti reglamentu espulsa cada añu a cientos d’estudiantes, dalgunos con menos de 10 asignatures pa terminar la carrera, basandose en supuestos costos económicos; los cuálos “amás de ser falsos terminen produciendo l’efectu contrariu yá que parte de los espulsaos estan cerca de terminar les sos carreres” según la formación política asturiano.

Sigún fizo anuncia Daniel Ripa tres de l’aconceyamientu, Podemos va impulsar nel Principáu toles midíes necesaries pa modificar el Reglamentu de Permanencia de la Universidá y amás va pidir la paralización de toles espulsiones. En axuntándose colos representantes del Conseyu d’Estudiantes y les Asamblees Abiertes, el secretariu xeneral de Podemos Asturies, afitó que dichu reglamentu ye  inxustu, restrictivu y escaez les necesidaes de los estudiantes.

Podemos va intentar derogar estos reglamentos a nivel del Estáu y nel Principáu van tratar de modificalu al traviés del conseyu Social. Amás van pidir la comparecencia del conseyeru d’Educación y Cultura pa conocer la so posición, presentando al mesmu tiempu una proposición non de llei y facilitando a los universitarios y universitaries a los que cinque’l casu la posibilidá d’averar la cuestión a see parlamentaria.