1 de cada 3 profesores sufrió amenaces dalguna vez n’Asturies

Un estudiu ellaboráu pol sindicatu FETE-UXT y basáu nel desarrollu de 1.223 cuestionarios a profesores de secundaria de colexos de toles comunidaes del territoriu nacional reflexa que’l 32,4% del profesoráu declaró sufrir amenaces alguna vez, y qu’un 4,5% súfreles con “muncha frecuencia”. Amás, casi un 1% sufre insultos a diariu y el 10% súfrelos con davezu.

L’estudiu tamién amuesa qu’un 2% del profesoráu afirma que lu agreden los alumnos con cierta frecuencia, la mayor parte les veces, tolos meses. Amás, un total acumuláu del 7,4% del profesoráu encuestáu afirma que sufriera dalguna vegada una agresión per parte del alumnáu.

L’estudiu tien por títulu “La violencia como factor de riesgu psicosocial nos trabayadores del sector de la enseñanza” y presentóse güei marts na sede d’UXT d’Asturies. El secretariu xeneral de FETE-UXT, Daniel Rodríguez, destacó que l’estudiu dexa bien a les clares que “toos tienen daqué qu’aportar y facer pa evitar esta situación de violencia nos centros escolares”.