Portada Comunicación ‘Al aldu’ ye’l nuevu programa n’asturianu de la Televisión del Principáu d’Asturies

‘Al aldu’ ye’l nuevu programa n’asturianu de la Televisión del Principáu d’Asturies

by asturnet

Redacción.

Nestos díes entamó na TPA un nuevu programa n’asturianu, frutu de la ‘independización’ de los espacios en llingua asturiana que veníen emitiendose dientro del programa ‘Con dos de azucar’. ‘Al aldu’ ye una producción d’Ediciones Trabe y ta emitiendose de llunes a vienres a les 11:15 hores.

Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Begoña Quirós ye la sustituta de Carlos Suari al frente de la sección deportiva ‘A galmiaes’, que percorre l’actualidá deportiva d’Asturies, col so espaciu pal deporte tradicional.

Milio’l del Nido lleva a los espectadores les sos ‘Recetes con cuentu’ los miercoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menendez y la so ‘Axenda d’Asturies’, qu’encamienta a los espectadores actividaes pa la fin de selmana.

‘Al aldu’ repite los sábados a les doce la mañana dalgunu de los espacios de la selmana, entantes de l’habitual emisión de ‘Nós’, el programa dirixíu y presentáu pol director d’Asturnews.com, Próspero Morán, ‘Pieces’ y ‘Camín de Cantares’.

Páxina web de la TPA

Tamién te podria gustar