Xixón acoyerá’l Primer Festival Internacional de Cine Gai y Lésbicu d’Asturies -

18 xunetu 23:45 2006 Imprimir

Xixón acoyerá’l Primer Festival Internacional de Cine Gai y Lésbicu d’Asturies – CinegailesAST, que se celebrará nesta ciudá del 26 al 29 de xunetu del 2006, nel Salón d’Actos del Centru de Cultura Antigu Institutu, na cai Xovellanos 21, a partir de les 5 la tarde y destináu a promocionar n’Asturies el cine de temática homosexual, gai, lésbica o transexual de tol mundu. El Festival CinegailesAST recibió yá abondos trabayos procedentes d’América, Asia, Europa. L’asistencia a les proyecciones nel Salón d’Actos del Antigu Institutu de Xixón sedrán dafechu gratuítes y preténdese que’l festival seya un certame participativu y abiertu a tou tipu de públicos ensin nenguna clase d’esclusiones y por ello dedicáu a tol mundu interesáu nel cine de ficción y documental más actual que se ta faciendo alrodiu estes temátiques. Pa ponese en contactu cola organización y poder collaborar col Festival CinegailesAST nun hai más que dirixise a la seña electrónica festivalcineastur@wanadoo.es

  Article "tagged" as:
  Categories:
Loading Facebook Comments ...