Uviéu presenta un branu nel que “nun va quedar un día ensin actividaes”

El conceyal y presidente de la Fundación Municipal de Cultura, José Luis Costielles presentó esta selmana pasada la programación de branu d’Uviéu. Sol epígrafe de “Vemnoos na cai’,  el conceyal calificó d’inéditu’l programa por dellos motivos, pero nun pudo dexar de xenerar polémica por cuenta de tornar al castellán el refrán “Xente d’Uviéu, tambor y gaita”.

‘Vemos na cai’, adelantró Costillas, “va enllenar de música de tolos xéneros, clásica y contemporanea, popular, folclórica, rock y indie, places  emblemátiques del centru d’Uviéu;  tamién va sacar el teatru de los escenarios y convertir la cai nun gran auditoriu;  va pasiar a la Banda de Música polos  barrios y va  siguir dexando ver Cine a la lluz de la lluna en bien diversos enclaves, amás de volver esfrutar de la Orquesta Uviéu Filarmonía al campu”. Y refirióse a esta programación como “una manera inédita d’esfrutar  la nuesa ciudá como nunca fixéramos. Esti branu Uviéu va salir a la cai, va esfrutar  de les sos places, a afayar los sos rincones y llugares emblemáticos y a amosa-y los a los que nos visiten. ‘Vemos na cai’ ye’l nuesu apueste cultural para otru branu posible n’Uviéu. Un branu al altor de la capital del Principáu que va evitar que tengamos que recurrir a movenos a otres ciudaes vecines para atopar ociu, diversión o cultura”.

La programación ‘Vemos na cai’ componese de distintos ciclos:

• Tiempos Nuevos, nel edificiu Históricu de la Universidá d’Uviéu. Conciertos de grupos contemporaneos, munchos d’ellos locales, que van actuar los martes y los vienres nel edificiu históricu de la Universidá na cai San Francisco.
• Enclave Pop, na plaza de la Catedral, tolos miércoles. Conciertos de pequenu formatu, músicos locales de la escena contemporanea, para tolos públicos.
• OFIL CONTIGO, la orquesta Uviéu Filarmonía va ufiertar conciertos al campu nel patiu del Edificiu Históricu de la Universidá, con un total de nueve conciertos de repertoriu clásicu, unu a finales de xunetu y los ocho restantes n’agostu.
• ESCENES DE CAI, teatru, artes escéniques, pasacalles al campu, alternando distintes places de la ciudá, como Daoíz y Velarde, Catedral, Escandalera o Porlier. Y con un estrenu de la compañía asturiana Marxe, tituláu, “De cómo los entremeses  de Cervantes nun torgar el casoriu de doña Catalina d’Uviéu col  gran turcu”. Teatru en callar llunes, miércoles y vienres con dos pases al día por títulu.
• VIVE LA BANDA, la Banda de Música Ciudá d’Uviéu va llevar la so música polos barrios, alternando plaza del Conceyín na Corredoria, col Bombé nel Campu San Francisco y la Llosa.
• FOLCLORE DE BRANU, Plaza del Vascu y Gascona, pareyes de baille, tonada y gaita.
• CINE A LA LLUZ DE LA LLUNA , que va siguir a lo llargo de too el branu en distintos allugamientos: plaza del Conceyín, la plaza del Fresnu, la plaza del Conceyu, la plaza de Juan Pablo II en Ciudá Naranco, la Llosa, La Florida, na cai Sotu’l Barcu, Pumarín, Ventanielles y tamién en parroquies rurales del conceyu, como Cualloto, Trubia y Olloniego.
• Programa Nos vemos en la calle (pdf 574,2 kB )