TermAst asoleya una terminoloxía asturiana dedicada a la teoría de la lliteratura

08 mayu 09:02 2012 Imprimir

La nueva propuesta terminolóxica en TermAst, entidá dependiente de l’Academia de la Llingua Asturiana dedicada a trabayar el campu de la terminoloxía técnica n’asturianu, ye la dedicada a la Terminoloxía de Teoría de la Lliteratura. El trabayu ye obra del músicu, profesor y doctor en Filoloxía Española, Ricardo Saavedra. Ente los términos, acrósticu, asocedíu, cronotopu, dialoxismu, plaxu o zéxel.

TERMAST ye’l centru encargáu de la coordinación xeneral de les xeres terminolóxiques venceyaes a la llingua asturiana y surde en xineru de 2009 per aciu del pautu robláu ente tres entidaes asturianes: el coleutivu Softastur, el Colexu d’Inxenieros n’Informática del Principáu d’Asturies y l’Academia de la Llingua Asturiana. Ente los trabayos asoleyaos hasta agora los dedicaos a terminoloxía educativa, física, matemática o médica.

Terminoloxía de Teoría de la Lliteratura

  Categories:
Loading Facebook Comments ...