Rubén Alba, Marco Antonio Guardado, Pablo Carrera y Hugo Nova, compiten güei pol McCrimmon en Lorient

Los veteranos participantes Rubén Alba y Marco Antonio Guardado, y los más mozos y qu’aporten por primera vegada a Lorient, Pablo Carrera y Hugo Nova, van tener qu’enfrentáse esti sábadu a los gaiteros gallegos nel Troféu McCrimmon que se celebra dende les 15 hores nel Palais de Congres de Lorient.

Asturnews siguirá’l concursu ya informará al final del mesmu de los resultaos y les clasificaciones nestes mesmes páxines.

Rubén Alba, ganador per dos vegaes del troféu y vencedor na edición de 2006, persabe que la meyor forma de ganar el McCrimmon, l’antiguu McCallan, ye preparar perbien la pieza bretona qu’hai de tocar nel concursu, amás de la pieza asturiana y la gallega. Asina lo desplicaba a Asturnews nuna pequeña conversación que caltuviere depués del festival.

Ruben Alba desplica como prepara’l concursu