Portada Lorient 2007 Los ganadores del Meyor Blogue n’asturianu 2009 van recibir exemplares de la revista Formientu

Los ganadores del Meyor Blogue n’asturianu 2009 van recibir exemplares de la revista Formientu

by asturnet

Según ta acabante anunciar la organización del certame al Meyor Blogue fechu n’asturianu 2009, amás del premiu que Softastur y el LoCo Team Asturianu ceden pa los ganadores, consistenete en 4 CDs orixinales de la cabera versión d’Ubuntu 9.10, Xareos! Xestión Cultural va ceder tamién dellos exemplares del últimu númberu de la revista Formientu, el seis, pa los ganadores del meyor blogue 2009.

La organización comenta que “presta ver cómo la xente s’involucra echando un gabitu con esti tipu de detalles” y dan “milenta gracies por sofitar esti proyeutu” a les organizaciones que ceden dellos regalos.

Güei queden 12 díes pa terminar les votaciones, qu’han mandase al corréu votalmeyorblogue@gmail.com y según la organización les posiciones de los blogues de cabeza ya tan afitándose claramente, onde hai cuatro o cinco que se tán xugando los primeros puestos.

Amás, la organización anuncia un proyectu nel que lleven trabayando delles selmanes “y que ta direutamente rellacionáu cola bloguesfera n’asturianu”, un proyectu “entamáu con ilusión, necesariu y que necesita de la participación direuta les blogueres y blogueros que formamos esta comunidá”.

Tamién te podria gustar