Les Nueches Máxiques del Botánicu algamen otru añu esitosu

Les Nueches Máxiques del Botánicu algamen otru añu esitosu
29 agostu 08:22 2016 Imprimir

El Botánicu vieno acabante de finar la XIV Edición de les sos Nueches Máxiques, un alcuentru nocherniegu cola naturaleza, el misteriu y la tradición que s’axunten nun espectáculu distintu y qu’otra vuelta tuvo l’ésitu d’años anteriores.

N’este mesmu llugar, el Xardín Botánicu Atlánticu de Xixón, onde crecen magnífiques plantes, viven numberosos animales y por onde flúin ríos y llagos, habiten dende va bien de tiempu seres fantásticos. Cuando toos pensaben qu’estos personaxes taben apostraos al mundu de los cuentos y les lleendes, el nuesu Xardín déxanos compartir con eses criatures, instalaes equí dende l’entamu de los tiempos, delles nueches veraniegues.

Cuatro guíes recoyeron ca día a 150 persones que ficieron un percorríu pol Xardín Botánicu Atlánticu, nel que, amás del Trasgu, la Xana, la Guestia y otres figures de la superstición asturiana, apaecíense otros seres prodixosos de la ficción shakesperiana como’l diablecu con yerbes máxiques, el rei de les faes o la mázcara del pueblu.

  Categories: