Portada Conceyos ¡Yá ta equí’l Antroxu de Xixón!

¡Yá ta equí’l Antroxu de Xixón!

by redacción asturnews

Divertia Xixón S.A. entama, un añu más el Antroxu de Xixón 2023, que se va celebrar del 17 al 21 d’esti mes de febreru. Manuel A. Vallina, Conceyal de Cultura, y Lara Martínez, Xerente de Divertia, ufiertaron la selmana pasada detalles de la programación d’actividaes previstes nel antroxu xixonés, una Fiesta d’Interés Turísticu Rexonal.

Los concursos d’amarutes, el desfile infantil, el concursu de charangues, los pasacalles volverán animar el Antroxu local. De nuevu va cuntar cola collaboración de OTEA, que gracies al sofitu de Divertia va ufiertar de nuevu anguaño los Menúes de Antroxu y un concursu de decoración de locales con títulu “Carna Chigre”. Tampoco van faltar nel antroxu de Xixón les coples d’antroxu de Jerónimo Granda, los actos na zona Oeste, el momentu d’amarutar a Pelayo o’l tradicional pregón na plaza mayor. Coles mesmes, Sardina va ser de nuevu’l personaxe principal de la Fiesta, qu’esta mañana vivió la so puesta de llongura nun actu bien animáu al que nun faltaron representantes de les 12 charangues participantes.

CONSULTA EL PROGRAMA DEL ANTROXU

Tamién te podria gustar