ConceyosLliteratura Eduardo de la Ilesia Pérez gana la XX edición del Certame Eugenio Carbajal by redacción asturnews 13 de febreru, 2023 written by redacción asturnews 13 de febreru, 2023 2,5K “La xerarquía de les vaques”, d’Eduardo de la Ilesia Pérez, vieno acabante ganar la XX edición del Certame Eugenio Carbajal, depués de qu’esta selmana pasada s’aconceyara’l xuráu y lu escoyera ente cásique 300 trabayos. El xuráu de la XX edición del Certame de Relatu Curtiu Eugenio Carbajal yá escoyó ganador ente los 298 trabayos presentaos. Una cifra importante que vuelve confirmar el prestíu y la importancia d’esta convocatoria, destinada a moces ente 18 y 30 años, qu’adquirió una gran proyección nacional ya internacional. El relatu escoyíu nesta 20 edición foi “La xerarquía de les vaques”, d’Eduardo de la Ilesia Pérez, un mozu de Toledo graduáu en Derechu y Ciencies Polítiques y que yá foi premiáu n’otros certames como’l XX Certame Nuevu de Narración “El Cuentacuentos” o’l XXIX Certame Calamonte Mozu. “La xerarquía de les vaques” narra, en primer persona, la vivencia de Amalia, fía pequena d’una familia de ganaderos de la Castiella rural. Narráu en primer persona, el relatu arrinca con un fechu tráxicu que marca’l restu d’una hestoria que convenció al xuráu, escoyéndola ganadora d’esta edición del que ye unu de los pocos premios lliterarios reservaos a mozos menores de 30 años convocaos n’Asturies. El certame, entamáu pola conceyalía de Mocedá de Mieres que dirixe Vanesa García, y pola Oficina Nueva, ta dotáu d’un premiu de 1.500 euros y la publicación del relatu nuna publicación conxunta que se fai cada cuatro años colos trabayos premiaos nes correspondientes ediciones del certame. La entrega del premiu va facer nun actu públicu entamáu dientro de la programación especial con motivu del Día del Llibru. Concursu LliterariulliteraturaMieres del CamínnarrativaPremios lliterarios 0 FacebookTwitterPinterestEmail Anterior La Llibrería Llingüística de l’ALLA aporta al númberu 31 siguiente ¡Yá ta equí’l Antroxu de Xixón! Tamién te podria gustar Iniciativa pol Asturianu y Barbón desixen a Adif... Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...