Xornada de presentaciones na Arribada

Güei, xueves 15 de setiembre, l’Arribada de Xixón, va cuntar cola presentación de delles obres lliteraries nueves, entamando coles actividaes a les cinco la tarde, nel patiu Centru de Cultura Vieyu Institutu, cola presentación de “¡Qué te preste!”, los monólogos más nuevos de Cristina Muñiz Martín. Les presentaciones lliteraries son una de les actividaes cimeres d’esta edición de la Vagamar lliteraria xixonesa.

Dempués van presentase “Contadores de lluz”, volumen colectivu de Suburbia Ediciones, “El Norte. Cuentos 1976-2010” de Vicente García Oliva, “Onde viven los amigos” de Roberto González-Quevedo, y “Azurriángamelamelongana” de Xuan Xosé Sánchez Vicente.

A les siete y media la tarde va dedicase un alderique a “35 años de cuentu asturianu”, rematando la xornada colos sones de Víctor Álvarez.