CineConceyos “Xénesis”: una semeya del amor adolescente pal Cine de los Martes d’Avilés by redacción asturnews 8 d'ochobre, 2019 written by redacción asturnews 8 d'ochobre, 2019 98 El canadiense Philippe Lesage amuesa la vivencia del primer amor de trés adolescentes na so última película, que recibió múltiples premios en festivales amás de la reconocencia de la crítica especializada. Les entraes, al preciu de 3 euros, pueden adquirise tantu na Casa de Cultura d’Avilés como de forma telemática pa poder participar nesti Cine de los Martes. “Xénesis” (Canadá, 2018), amuesa les esperiencies de trés adolescentes col so primer amor, nuna nueva película autobiográfica de Philippe Lesage, que recibió’l premiu a meyor llargumetraxe nel Festival de Cine de Valladolid, el Festival Internacional de Los Cabos y el Festival de Cine de Montreal, ente otros galardones. Les entraes pa la proyección, en versión orixinal subtitulada, pueden adquirise en taquilla’l mesmu día del pase o de forma telemática. La nueva programación del Cine de los Martes, que se va enllargar dende esti mes de setiembre hasta avientu, inclúi 12 nueves proyecciones. Tratar d’once películes, más un documental, qu’escapen de los circuitos más comerciales, y qu’enceten xéneros que van del drama a la comedia, incluyendo hasta una particular visión del cine de zombies. La cartelera d’esti trimestre, propuesta dende la conceyalía de Cultura d’Avilés, inclúi filmes de delles de les cinematografíes más puxantes, como la de Corea del Sur, Francia o España, pero tamién de Canadá, Alemaña, Noruega, Palestina, Venezuela y Xapón. Y toquen temes desemeyaes nos sos distintos propuestes. Asina lo destacaba Yolanda Alonso, conceyala de Cultura d’Avilés na presentación de la programación: “torna’l Cine de los Martes con once películes, más un pase especial en collaboración cola Rede Europea de Llucha contra la Probeza y l’Esclusión, na que vamos tener nuevamente xuna propuesta tremendamente variada no qu’a propuesta argumental refierse”. La nueva programación inclúi dende’l drama xudicial a la comedia, pasando pol metacine con toque de zombis o’l documental, y con una especial la selección de cineastes, qu’inclúin dalgunes de les nueves voces más importantes al pie de nomes yá esenciales nel cine contemporaneu, y de cinematografíes, con nueve países distintos. Consulta la programación completa pinchando equí. 0 FacebookTwitterPinterestEmail Anterior L’escritor Juan Madrid gana’l XV Premiu Pepe Carvalho siguiente Entama KBUÑS 2019: buscando’l desenvolvimientu positivu del adolescente Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles