Xaviel Vilareyo presenta esti vienres el llibru de rellatos ‘La causa más probable’ y la esposición ‘La fueya en blanco’

Esti vienres va presentase un nuevu llibru de Xaviel Vilareyo: ‘La causa más probable’. L’actu va tener llugar a les siete y media la tarde na Llibrería Asturiana de la Editorial Trabe y va correr a cargu del escritor Ánxel Álvarez Llano y d’Antón García, director d’Ediciones Trabe, amás del propiu autor.

A esa mesma hora y tamien na Llibería Asturiana va presentar Vilareyo la esposición ‘La fueya en blanco’, consistente n’obres en pintura y colax sobre dellos temes y formatos y que va tar nel Aula Abierta de la Llibrería Asturiana de Trabe hasta’l 17 de setiembre.

Xaviel Vilareyo ñació en Mieres del Camín en 1967 y ye autor de llibros de poesía y ensayu. La Llibrería Asturiana de Trabe ta allugada na cai Padre Buenaventura de Paredes 4 d’Uvieu. N’acabando l’actu de presentación va sirvise un vinu a tolos asistentes.