Vuelve’l Mercadín Intercultural a Trescorrales

El vienres 28 d’ochobre, abre les sos puertes, na Plaza de Trascorrales, la II Amuesa Intercultural Ciudá d’Uviéu, entamada pola Conceyalía de Polítiques Sociales del Conceyu d’Uviéu, cola collaboración de les distintes asociaciones que trabayen cola fin social d’ameyorar la integración de les persones que vinieron a Uviéu y espublizar la so riqueza y diversidá.

El conceyu d’Uviéu cunta con muncha población inmigrante y por eso resulta imprescindible crear espacios de participación, solidaridá y tolerancia qu’ayuden a conocer meyor el costumes y cultures d’estos nuevos vecinos y vecines, como esta segunda amuesa intercultural qu’esperamos resulte curiosu para los ciudadanos y ciudadanes d’Uviéu, una y bones la nuesa finalidá nun ye otra que favorecer  el contactu ente distintes nacionalidaes que comparten un espaciu de mancomún y dar a conocer les distintes cultures que moren nel conceyu d’Uviéu pa consiguir y promover la integración social de toles persones inmigrantes.

Anguaño, per primer vegada, va cuntar con dos espacios, xuno l’amuesa d’artesanía y cultura, que va tener llugar na emblemática Plaza de Trascorrales los díes 28 y 29 d’ochobre. Mientres estos dos díes facer posible l’espardimientu de les actividaes que desenvuelven les entidaes participantes y, coles mesmes, ye un mediu pal llogru de recursos propios que faigan posible la execución de los sos numberosos proyectos.

L’oxetivu fundamental ye fomentar la participación de les asociaciones, dando a conocer esa riqueza cultural y potenciar la conocencia, el respetu y la tolerancia.

Con esta actividá escuérrense, amás, ente otros, los siguientes oxetivos específicos:

• Collaborar na minoración de los prexuicios sociales  escontra’l colectivu inmigrante.
• Faer posible l’acercamientu de la ciudadanía uvieina a los aspeutos culturales de los y les inmigrantes residentes nel nuesu conceyu.
• Promover el contactu ente vecinos inmigrantes y autóctonos.
• Crear un ambiente de participación ente les distintes asociaciones d’inmigrantes qu’actúen n’Uviéu.

Y en un segundu espaciu, la gran amuesa cultural o Gran Festival nel singular teatru de Pumarín, allugáu na Plaza de los Maestros na redoma del Milán el domingu 30 d’ochobre.
La II Amuesa va abrir les sos puertes na Plaza de Trascorrales el vienres 28 d’ochobre a les 18:00 hasta les 21:30 hores, y el sábadu 29 de 11:30 a 14:00 y de 18:00 a 21:30 h.