Vilanova d’Ozcos celebra esti fin de selmana el so I Festival Celta

Vilanova d’Ozcos celebra esti fin de selmana el so primer Festival Celta, dos díes dedicaos a la música folk en vivo nos que tamién va entamase un mercáu artesanal y una sardinada de baldre. Tres grupos asturianos y ún gallegu formen el cartelu del festival.

Les actuaciones escomiencen esti viernes 2 a les nueve la nueche col grupu Cádava y darréu van subir al escenariu Llan de Cubel. El sánadu 3 los primeros n’actuar van ser los gallegos Gaita de Pedra y los asturianos Gueta na Fonte los que pongan remate a la nueche celta.

L’Ayuntamientu de Vilanova d’Ozcos tien dispuesta una zona d’acampada pa los visitantes qu’acudan al feetival con capacidá pa cerca de cien persones.