UXT denuncia qu’unu de cada cuatro profesores non universitarios ye interín

El sector de la Enseñanza del sindicatu UXT denunció güei qu’unu de cada cuatro profesores non universitarios ye interín, una cifra que nel añu 2011 consiguiérase amenorgar hasta un 8 per cientu col desenvolvimientu y que, pa esti sindicatu, nun tendría de superar el 5 per cientu.

Nun comunicáu, UXT llamentó que “la irresponsabilidá” de les alministraciones educatives llevó al engrosamiento de les bolses d’interinos, una figura que se produz pa cubrir casos d’eventualidaes de funcionarios docentes con puestos fixos como enfermedaes o excedencias. Sicasí, esti sindicatu afirmó que la situación d’eventualidá “tase desvirtuando” y utilízase de forma permanente cada cursu pa cubrir vacantes que nun s’ufierten como empléu públicu “colo que se ta favoreciendo la inestabilidá de les plantiyes y la precariedá del empléu”. Pa UXT, tolo que tea percima del 5 per cientu d’interinos demuestra “que nun se ta priorizando l’afitamientu de les plantiyes y del sistema educativu”.

Por comunidaes autónomes el panorama ye -según UXT alarmante” y los porcentaxes van dende’l 14 % de Galicia y el 18 % de Murcia, al 63 % de Cataluña. Ente’l 20 % y el 30 % tán Melilla (21 %), Andalucía, Canaries, Castiella y Llión y País Vascu (22 %), Castiella-La Mancha y Madrid (23 %), Estremadura (24 %), Asturies y Comunidad Valenciana (25 %) y La Rioxa (27 %). Percima del 30 % tán Baleares y Ceuta (30 %), Cantabria (32 %), Aragón y Navarra (33 %).