Uviéu y La Unión roblen un conveniu p’averar el folclore asturianu y el flamencu a los vecinos

L’Alcalde d’Uviéu, Alfredo Canteli, presidió la firma d’un conveniu de collaboración ente’l Concursu de Cantar Asturianu “Ciudá d’Uviéu” y el Festival Internacional del Cante de les Mines p’averar el folclore asturianu y el flamencu a los vecinos de los dos conceyos.

Gracies a esti alcuerdu, robláu pol presidente de la Fundación Municipal de Cultura, José Luis Costillas, y el rexidor de La Unión, Pedro López, los ganadores de la última edición del certame uvieín van actuar el próximu día 27 na gala inaugural del Festival murcianu. Quien consigan alzase como campeonos nes categoríes “Llámpara Minera” (cante) y “Aventón” (baille- nes sos categoríes femenino y masculino) na localidá murciana, van  viaxar a Uviéu n’ochobre, p’averar a los asturianos “esti cantar que güei ye de llibertá” pero que, según recordó’l rexidor de La Unión, “nació de les fondures de la tierra y del sufrimientu de el trabayadores y les sos families”

Un alcuerdu qu’empezó a xestase en FITUR, recordó l’Alcalde d’Uviéu, tres un alcuentru ente dambos rexidores y que se materializó en forma de conveniu. Un intercambiu cultural, que nun duldó en calificar como “bonu pa dambos conceyos y los sos vecinos” yá que gracies a él podránse conocer distintes tradiciones y formes d’espresar sentimientos.

El día 27 de xunetu, ganadores del concursu uvieín actuaron na gala d’inauguración del certame murcianu. Hasta La Unión viaxaron campeones masculín y femenín de la última edición: Celestino Raspiada y Lorena Corripio, respectivamente; el ganador na categoría xuvenil, Rubén Álvarez; na de gaita, Fernando Vázquez Cárcama y Vicente Prado Suárez, como gaiteru oficial del concursu. El ganadores del Festival Internacional de Cante de les Mines van actuar n’Uviéu’l día 26 d’ochobre.

Minutos antes de la firma Alfredo Canteli agasayó al so homólogu murcianu y al Teniente Alcalde de La Unión, José Solanu, dos exemplares de Rexentar. Pela so parte, López Milán regaló al Ayutamiento d’Uviéu xuna retruque del escenariu onde se celebra añalmente’l Festival.