Uviéu y la Cámara de Comerciu presenten el Programa “Entama Dixital”

El conceyu d’Uviéu y la Cámara de Comerciu presenten el Programa “Entama Dixital” de sofitu al tresformamientu dixital de Pymes y entamadores. El proyectu forma parte del plan de Recuperación Social, Económica y del Emplegu puestu en marcha pol Conceyu pa faer frente al impactu económicu deriváu de la crisis sanitaria.

El Conceyu d’Uviéu y la Cámara de Comerciu presentaron ayeri’l programa denomináu “Entama Dixital”, destináu a contribuyir al tresformamientu dixital de pymes y entamadores, col desenvolvimientu conxuntu d’actividaes (seminarios, consultoríes individuales y sesiones formatives), afeches a les necesidaes detectaes en cada participante.

Esti programa, que forma parte del plan de Recuperación Social, Económica y del Empléu puestu en marcha pol Conceyu d’Uviéu pa faer frente al impactu económicu deriváu de la crisis sanitaria provocada pol coronavirus, tien como oxetivu prioritariu’l desenvolvimientu de la exa dixital, como ferramienta fundamental pal texíu empresarial y comercial uvieín.

El procesu de digitalización empresarial ye una prioridá de dambes instituciones, que s’amonta poles actividaes na recuperación económica que desenvuelven. Tratase de trés programes de consultoría y formación dirixíos a 20/25 participantes cada unu (60/75 participantes en total), con una duración de 5 selmanes.