Portada Conceyos Uviéu apuesta pola modernización dixital y llicita’l serviciu d’informática pa 6 años

Uviéu apuesta pola modernización dixital y llicita’l serviciu d’informática pa 6 años

by redacción asturnews

La Xunta de Gobiernu del Conceyu d’Uviéu dio lluz verde esta mañana a los pliegos pa la llicitación del serviciu informáticu del Consistoriu uvieín, con un gastu total de 11.527.999,01 euros (IVA incluyíu). Desglosáu por añalidaes, pal añu 2021 van disponese 837.503,53 euros; 2.290.820,46 euros para 2022, la mesma cantidá que para los años 2023, 2024 y 2025; mientres, para l’añu 2026 afítase una cantidá de 1.527.213,64 euros.

Una parte importante d’esti contratu ye la relativa a la infraestructura tecnolóxica del Conceyu, que se correspuende en bona midida con aspeutos tales como los servicios d’agospiamientu na nube, hosting y housing, servicios de seguridá perimetral, según los servicios de xestión de les plataformes y ferramientes municipales.

L’axudicatariu del contratu tendrá d’ocupase tamién del caltenimientu, soporte y modernización tantu del Hardware como del Software dedicáu al Conceyu, según a la instalación de los dispositivos y sistemes de seguridá necesarios.

L’oxetivu de la área de Tresformamientu Dixital dirixida por Javier Cuesta ye, tal como sostien el mesmu edil, “allixerar el departamentu municipal de Tecnoloxíes de la Información, consiguiendo una mayor flexibilidá. D’esta forma, l’alministración local evita cuantiosas inversiones n’equipamientos, en contratación de redes de comunicaciones, sistemes de seguridá, llicencies o suscripción d’aplicaciones, etc. Tamién s’amenorga notablemente la necesidá de personal propio, que quedaría descomanadamente llindáu a atareas de dirección y control”.

Cuesta destacó, amás, qu’otru de los grandes oxetivos qu’escuerre esti contratu ye “siguir cola modernización de los sistemes y redes municipales, nun tiempu en que les Tecnoloxíes de la Información son tan cambiantes, un carru al qu’hai de xubise sí o sí’l Consistoriu por que los sos sistemes d’información nun queden obsoletos y por que, a última hora, pueda ufiertase un meyor serviciu a los uvieinos”.

Tamién te podria gustar