Una esposición de Damián Vega abre nel Antiguu Institutu

“Vertical” ye un proyectu de creación artística en redol al patrimoniu arquitectónicu industrial asturianu de Damián Vega qu’abre nel Antiguu Institutu esti 7 de setiembre y que va siguir hasta’l 9 d’ochobre.

Tratase d’una serie d’obra gráfica que recueye estampes de castilletes de la minería del carbón esistente nel territoriu asturianu. Tamién ye una obra documental que funciona como un catálogu visual completu d’estes estructures y qu’aspira a contribuyir al espardimientu, conocencia y puesta en valor d’esti tipu de patrimoniu nun momentu históricu de transición, nel que se produceel cese definitivu de la minería del carbón n’Asturies, y nel restu de la Península.

La Sala 1 del Centru de Cultura Antiguu Institutu de Xixón
Del 7 de setiembre de 2022 al 9 d’ochobre de 2022
Llunes a vienres: 17:30 – 20:30h | Sábados: 12:00 – 14:00h y 17:30 – 20:30h | Domingos: 12:00 – 14:00h