Un avilesín de 21 años foi deteníu na operación Bea escontra la pornografía infantil

Un avilesín de 21 años foi deteníu dientro de la operación Bea escontra la distribución de pornografía infantil na que fueron deteníes otres doce persones en distintes provincies. La detención del mozu prodúxose’l día 21 por funcionarios de la Brigada Xudicial de la Comisaría de la Policía Nacional d’Avilés por distribución de vídeos de pronografía infantil.

Nel rexistru de la so casa la Brigada Xudicial de la Comisaría de la Policía Nacional d’Avilés confiscó’l discu duru del so ordenador. El mozu nun tenía antecedentes penales, según informaron fontes policiales al traviés d’una nota prensa. Nos rexistros fechos en diferentes provincies españoles atopáronse miles d’archivos de carácter pedófilu. La operación abrióse de magar la denuncia d’una muyer que buscaba información sobre bebés nuna rede d’intercambiu d’archivos. La muyer denunció la existencia de dos ficheros que, pol so nome, puen contener escentes d’esti tipu.