Últimos díes pa presentase al Concursu de narraciones curties n’asturianu de Llaviana

El Conceyu de Llaviana convoca la décima edición d’esti concursu dotáu con 400, 200 y 100 euros pa los tres primeros. Los trabayos, tanto en prosa como en versu, han tar redactaos en llingua asturiana, respetando les normes ortográfiques y gramaticales n’usu de l’Academia de la Llingua Asturiana, con un llargor máximu de 10 fueyes.

El tema sedrá llibre valorándose los trabayos que recueyan tradiciones, costumes, llugares, fechos, paisaxe d’Asturies y, sobremanera, del Conceyu de Llaviana y el Valle’l Nalón. Les obres van presentase na Oficina de Normalización Llingüística de Llaviana, allugada na Plaza Armando Palacio Valdés 1, 33980, en La Pola Llaviana. El plazu d’almisión de trabayos acaba’l vienres 3 de xunu a les 14:00 hores.

Bases completes del concursu