‘Trainspotting’ vuelve 20 años dempués

Trainspotting, una de les películes más influyentes de los 90, va tener una remortina en 2016, cuando va cumplise, amás, el ventiavu aniversariu del filme orixinal.

Dicíalo esta selmana’l so propiu director, Danny Boyle, que s’atopa promocionando’l so biopic sobre Steve Jobs, y aseguró que va ser el so próximu proyectu.

Ewan McGregor yá declarara nel pasáu que-y gustaría volver a interpretar a Renton, el papel que lu catapultó a la fama, dempués de refugar la idea mientres años. El guionista John Hodge, encargáu d’afaer la novela orixinal de Irvine Welsh en 1996, va tornar tamién pa faer lo propio con Porno, la obra na que l’escritor escocés retomaba a los sos personaxes 10 años dempués. Nella, Renton, Spudd, Sick Boy y Begbie y Nicki realcuéntrense, nesta ocasión cola industria pornográfico como telón de fondu. Welsh volvió utilizar a los mesmos personaxes con Skagboys, en 2012, anque nesa ocasión tratábase d’una precuela.