Toli Morilla presenta “Entropía” esti vienres nel Teatru Xovellanos

Toli Morilla va tar presentando”Entropía”, última de les sos entregues discográfiques, esti xueves 14 de febreru nel Teatru Xovellanos de Xixón a les 20:30 hores. Na actuación, enmarcada dientro del Festival de la Pallabra, van tar acompañando al cantante, el guitarrista Jorge Otero, el pianista Paul Bertrand, el percusionista Alex blanco y Hector Braga al violonchelu. Les entreas tan disponibles al preciu de diez euros.

“Entropía” son catorce canciones, ente orixinales del artista y adautaciones de temes tradicionales asturianos. Les lletres cuerren al cargu, na mayor parte, del propiu Toli Morilla anque delles tan escrites por poetes como Luís García Montero, Xuan Bello, David González, Pablo Texón, Elías Veiga, Pablo R. Medina, Xuan Santori o Marta Mori.