Portada Educación SUATEA denuncia nueves pérdigues de poder alquisitivu pal personal empleáu públicu

SUATEA denuncia nueves pérdigues de poder alquisitivu pal personal empleáu públicu

by asturnet

El Sindicatu Unitariu y Autónomu de Trabayadores de la Enseñanza d’Asturies (SUATEA) denuncia que los ‘sindicatos que dicen representar al personal empleáu públicu firmen, ensin consultar colos trabayadores, la baxada rial de los sos salarios’. La razón d’esta crítica de SUATEA vien por un Alcuerdu Retributivu pa los próximos tres años robláu ente l’Alministración del Estáu (Ministeriu d’Alministraciones Públiques) y los sindicatos UXT, CCOO y CSI-CSIF, nel que s’acuerda una xubida global pa esti periódicu d’un 3%.

La variación interañal del IPC, siguiendo la llinia de los últimos años, ta nel 3’7%, polo que SUATEA denuncia que con esti alcuerdu ‘el personal empleáu públicu va perder, esti añu, un 0’7% de poder alquisitivu, perdiga que se suma a les de los últimos años, acumulándose yá cerca de 10% de perdiga de poder alquisitivu nos últimos diez años’.

Dende SUATEA critícase la firma d’estos alcuerdos per parte de sindicatos que nun consulten a los sos trabayadores primero y reclamen la ‘cláusula de revisión salarial y la recuperación del poder alquisitivu pal personal empleáu públicu’.

Tamién te podria gustar