Sonder Betty presenta n’esclusiva’l so primer discu nel Conservatorio Julián Orbón

Sonder Betty presenta n’esclusiva’l so primer discu nel conciertu de clausura de la Selmana Cultural del Conservatorio Julián Orbón que va desenvolvese esti vienres 31 de marzu, a les 22.00 hores na Sala Escénica de la Factoría Cultural.

La música, en tol so espectru, forma parte de l’alma d’Avilés y el Conservatorio Municipal Profesional Julián Orbón ye’l so más fiel reflexu, abriendo les sos puertes al pop rock de Sonder Betty na clausura de la so Selmana Cultural. La banda nacida na ciudá presenta n’esclusiva’l so debú discográficu, nun conciertu bien especial, esti vienres 31 de marzu, a les 22.00 hores na Sala Escénica de la Factoría Cultural. Les entraes p’asistir al recital atópense disponibles, de forma gratuita, na taquilla de la Casa de Cultura.

Nel so álbum d’estrenu, la banda formada por Víctor Álvarez, cola so guitarra rítmica y coros; Mario Suárez, guitarra solista; Daniel Santos, voz principal y guitarra rítmica, y la batería de Diego Vallina, da rienda suelta a la creatividá y la calidá como músicos qu’han sobradamente demostráu polos escenarios de toa Asturies.

Pel momento, yá desvelaron dos singles ente’l llistáu de temes que conformen esti primer trabayu d’estudiu, “Super Indies”, risondera, irónica y sogona, y “Columba Livia”, xuna cantar llenu de compromisu social, cola fonderada de la salú mental.

El pasáu branu, Sonder Betty xubía al escenariu de la plataforma de promoción de bandes locales que ye’l festival “Avilés Suena Bien”, y pal conciertu del vienres, ente les distintes sorpreses que guarden al públicu, atópense los músicos y amigos que los van acompañar nun directu nel que siempres dan lo meyor de sí. Ye’l casu de Javier Rubio y Asur, colos que van cantar dellos cantares.

D’esta forma, les sos propies composiciones van entemecer colos clásicos del rock que formen parte del so repertoriu, y que faen sos col so particular estilu gayoleru, un sellu propiu que los fai reconocibles al primera compás.

Con esti recital ponse colofón a una Selmana Cultural na qu’el Conservatorio Julián Orbón volvió faer parte a la ciudadanía de la so actividá, gracies a un programa rebosante de música, danza y divulgación.