Política

IX y FSA retomaron güei la negociación del presupuestu con discrepancies sobre’l rendimientu de les midíes impositives, depués del escasu avance d’ayeri. El coordinador d’IX asegura que la formación caltien les sos propuestes por que quien más tien más pague.

IX y FSA caltiene güei, dende pela mañana, una nueva xunta pa la negociación de los presupuestos de 2014, dempués de que la tarde d’ayeri nun algamaran un alcuerdu al respective de los posibles rendimientos cola puesta en marcha de les midíes fiscales sobre patrimoniu y sucesiones pa más de 450.000 euros, l’impuestu a la banca y el d’usu non sostenible de los montes asturianos.

El coordinador d’IX, Manuel González Orviz, aseguró, tres de la xunta,que la formación fixo una valoración realista y premediada de los nuevos ingresos vía a estos impuestos y recordó la necesidá de cuntar con recursos abondos para da respuesta a les necesidaes d’Asturies en materia de reactivación económica y protección social.

Les conversaciaciones sobre’l presupuestu d’Asturies pa 2014 quedaron esti miércoles suspendíes dempués de que la Federación Socialista Asturiana (FSA) nun esclariara, hasta’l momentu, si acepta la puesta en marcha de les midíes social y fiscal plantegaes por Izquierda Xunida (IX), sigún dió a conocer la coalición d’izquierdes esta mesma tarde.

El coordinador xeneral d’IX, Manuel González Orviz, aseguró, a la salida de la xunta, que’l PSOE puede cuntar col so sofitu si lo que plantega ye un cambéu impositivu que grave más a quien más tien y que dexe dar respuesta a les necesidaes de reactivación económica y a los paraos de la Comunidá Autónoma, p’atender les prestaciones sociales. Pa lo que nun va tar, dixo, IX, ye p’aplicar les polítiques de retayos, dirixíes a protexer al capital y el sistema financieru.

Más allá de les diferencies sobre cuanto pueden recaldase colos impuestos de patrimoniu pa les fortunes de más de 450.000 euros, según los heriedos más abultaos, o los impuestos a los bancos y pol usu non sostenible de los montes asturianos, el desencuentro produzse ante la indefinición de los socialistes al respective de la so voluntá, real, y el silenciu sobre l’aplicación de la fiscalidá que propón IX. L’aplicación d’estos impuestos, aprofió Gonzalez Orviz, en patrimoniu y sucesiones, son los mesmos que nel so día aplicaron Felipe González, José María Azanar y hasta Zapatero y, agora, tamién propón el PSOE de Rubaclaba. Eso sí, ironizó’l coordinador d’IX, vese que les propuestes de la última conferencia socialista apéxense, como l’alta velocidá a Asturies, en Payares.

IX diz< na so páxina web que va esperar agora "a conocer los presupuestos que'l Gobiernu unvia al Parlamentu pa definir la so posición. La decisión, dixo Gonzalez Orviz, ta agora nel PSOE que ye quien tien de decidir si acepta los nuesos planteamientos de progresividad fiscal, reactivación económica, protección social, desenvolvimientu del mediu rural y un apueste claru pol financiamientu de la Investigación, Desenvolvimientu ya innovación (I+D+i)".

Nota de prensa d’IX sobre la fin de les negociaciones

IX fizo anuncia pela mañana de que ya apurrió na tarde d’ayeri a la FSA les sos esixencies pa sofitar los presupuestos pa 2014, una propuesta que supón 112 millones d’euros adicionales en polítiques de reactivación económica, protección social y aumentu d’I+D+i empobináu sobremanera a la Universidá d’Uviéu.

Los dos partíos volverán axuntase güei por mor de que ye agora’l PSOE quien tien d’esclariar si ta dispuestu a aceptar los plantegamientos d’IX en materia de fiscalidá -la formación esixe aplicar impuestos a la banca y a patrimonios de más de 475.000 euros- y l’aumentu de la protección a sectores con más dificultaes.

El coordinador d’IX, Manuel González Orviz, esplicó a la salida del alcuentru que los marxes de negociación son escasos, porque la pretensión d’IX inclúi ampliar el montu total del presupuestu pa lo que, dixo, presentamos víes de financiamientu adicionales.

Nel casu del impuestu de patrimoniu, establezse un mínimu exentu de 175.000 euros más la vivienda habitual d’hasta 300.00 euros.

El voceru nacional de Compromisu por Asturies, Daniel Fernández, llamo a la ciudadanía a participar na manifestación convocada pol colectivu de Parad@s y Precari@s d’Asturies, sol lema “Por un trabayu dignu y un salariu xustu”, que va tener llugar esti xueves 28 de noviembre en Xixón, con salida na Plaza de L’Humedal a les 19:00 hores.

Dende Copmpromisu por Asturies “la situación dramática de cuntar con más de 100.000 paraes y paraos, y la realidá acaldía más incontestable de que más y más xente atopar en situaciones de probeza o riesgu d’esclusión social a pesar de cuntar con un empléu, demuestra que les reivindicaciones tienen que dir más allá de reclamar un trabayu, si nun reclamar el derechu a vivir dignamente”.

Pa Compromisu por Asturies atopámonos “ante una nueva realidá definida pola precariedá, que rompió unu de los pactos básicos de los estaos de bienestar européu y de la Transición española, que yera que’l trabayu yera la vía pal 99% de la sociedá d’algamar el bienestar material y una serie de derechos sociales y políticos”.

Esta característica, de la desvinculación ente trabayu y bienestar, “define a un nuevu colectivu, el precariau, que ta sufriendo con toa crudeza’l cambéu de paradigma social, d’aquel onde la mayoría social podía llindar parcialmente los intereses de los grandes intereses económicos pa garantizase unos derechos básicos, como sanidá, educación y protección social, a la situación actual onde la política queda en manos de supuestos espertos ya instituciones carentes absolutamente de llexitimidá democrática, como la Troika, onde’l bienestar de les precaries y precarios vendese pa garantizar los intereses de la minoría privilexada de la sociedá”, señaló Daniel Fernández.

Compromisu por Asturies destaca que “Asturies sufre esti fenómenu en tola so crudeza, onde esiste una emigración masiva de la mocedá provocando un procesu de perda de población y avieyamientu aceleráu, onde los mozos más tarde independícense de los sos padres, onde ser mileuristas ye unu de los grandes oxetivos, onde la formación ye sinónimu d’inestabilidá llaboral y en munches ocasiones favorecida poles mesmes Alministraciones Públiques” y sobremanera “onde’l precariau escarez de referentes políticos y sindicales que faigan respetar los sos intereses”.

Por tou esto, Daniel Fernández llamó “a tola ciudadanía a salir a la cai esti xueves en Xixón a reclamar o un trabayu o un salariu xustu, porque independientemente de si trabayamos o non, tenemos derechu a vivir dignamente” concluyó.

En rempuesta a les xestiones rializaes por Andecha Astur pa conocer cuala yera la causa pola qu’ERC votare a la escontra de la emienda de Sostres pal financiamientu de l’ALLA, el diputáu d’ERC nel Concresu español respuende con un mensaxe que p’Andecha confirma la denuncia d’inresponsabilidá y oportunismu de Foro al presentar esta emienda ensin facer dengún llabor col restu de los diputaos que podríen sofitala, pero que lo que fai ye cenciellamente reconocer la equivocación d’ERC.

Pola claridá de les declaraciones de Joan Tardà Andecha Astur camentaba interesante espublizales íntegramente na so web y nós reproducímosles darréu:

“Compañeros de Andecha Astur,

Lo vivido estos últimos días me ha parecido francamente lamentable. He recibido todo tipo de insultos y todavía ahora no me los acabo de creer. Que la gente de Esquerra, después de toda nuestra trayectoria en el Congreso de defensa de todas las lenguas “minoritarias” tengamos que presenciar lo que ha ocurrido estos días es, repito, lamentable.

Ya lo dije, no votamos la enmienda de Foro Asturiano porque nos equivocamos. Casi 4000 enmiendas, miles de votaciones y nos equivocamos en una! Por cierto votamos a favor de la que defendió IU en apoyo de la lengua asturiana. Y la del Foro, se nos pasó. Lo dije ya en las redes sociales.

Lo más cínico e impresentable es que se nos acuse a nosotros. ¿Acaso el PP votó a favor de las enmienda? Quien se cargó la enmienda fue el PP. Resulta que Foro no consigue el apoyo del PP y nos hace responsables a nosotros? ¿Acaso si hubiéramos votado a favor se hubiera ganado?

Repito, lamentamos habernos equivocado, pero también digo que estamos hablando de miles de enmiendas y horas de votaciones.

Nos parece muy, muy injusto el trato recibido.

En todo caso, nuestra manera de pensar y concebir la lucha por la normalización y oficialización de las lenguas perseguidas sigue intacto. Y con ello, nuestra solidaridad con los asturianos y su lengua propia.”

La refuga pol Congresu español de la emienda al proyeutu de presupuestos xenerales del Estáu que pretendía un financiamentu pa la l’Academia la Llingua Asturiana costitúi un fechu pergrave que pon n’evidencia la nula sensibilidá de dichu Congresu pa cola nuesa llingua y que supón un precedente negativu que necesariamente habrá de superase nun futuru.

Nel mesmu sen, Andecha Astur remembra qu’el caltenimientu de la situación predemocrática que carez Asturies nel tema llingüístiu, al nun tar reconocía la oficialidá de la llingua asturiana, non solo favorez l’actual contestu de represión llingüística sistemática, sinon qu’acarreta un coste económicu non inferior a los 150.000 € añales.

Asina mesmo, Andecha Astur considera que l’actitú del diputáu de Foro nel Congresu español, Enrique Álvarez Sostres, al presentar tala emienda, costitúi un exerciciu d’inresponsabilidá al nun facer el más mínimu llabor col restu de diputaos pa favorecer la so aprebación, y d’oportunismu políticu, remembrando que demientres Foro presidió el Gobiernu del “Principado”, non solo nun rializó la necesaria declaración d’oficialidá de la llingua asturiana, sinon qu’agora mesmo, ellí onde cunta con poder políticu, comu por exemplu nel Ayuntamientu Xixón, nun lleva alantre denguna política en defensa de la llingua asturiana nin de los drechos llingüísticos de los asturianos.

Pel so llau, Andecha Astur, dempués de conocer el votu a la escontra d’ERC a esta emienda, púnxose en contautu colos sos collacios catalanes pa conocer de primera man los fechos, informándose de qu’el votu de Joan Tardá, “diose por un error procedimental”, asegurando que la so formación “siempres sofita les llingües minoritaries”.

Izquierda Xunida va proponer a la FSA una medría del presupuestu global d’Asturies pa 2014 de 110 millones d’euros, colos que pretenden encetase llínees especiales d’intervención pa la reactivación económica y dar respuesta a les persones en riesgu d’esclusión social. N’I+D+i , los planteamientos d’Izquierda Xunida diverxen de los de la FSA: “nun creemos la propuesta del modelu que se ta plantegando pola Conseyería d’Economía. Apuesten pola empresa, nós pola Universidá”, esclarió González Orviz, quien añedió que ye precisamente la Universidá quien abandera n’Asturies la investigación.

IX va presentar al PSOE esta propuesta güei llunes camentando la so inclusión como indispensable pa qu’IX pueda emprestar sofitu al presupuestu de 2014. Los planteamientos d’Izquierda Xunida tán estrechamente rellacionaos cola situación de recesión económica y col refugu a les respuestes daes hasta la fecha tantu pol PSOE como pol PP.

Al respective de les midíes en gastu tienen de “partir del presupuestos de 2013”. En Salariu social la propuesta ye amontar la partida a 94 millones d’euros qu’incluyiríen la revisión de la cuantía según l’IPC –lleva tres año conxeláu-, y un novedosu bonu social pa evitar la probeza enerxética”. Trataríase d’un complementu de 30 euros mensuales pa contribuyir nos costos d’agua, lluz y calefacción.

Amás, plantégase una revisión de los procedimientos de reconocencia de la prestación de forma que los beneficiarios que salgan del sistema, por atopar un emplegu que nun xenere contraprestación puedan reincorporase de forma automática.

Los planteamientos d’IX inclúin midíes de reactivación económica. Asina, pa planes d’empléu propónense 15 millones d’euros adicionales que dexaríen 1.000 contratos más de los previstos na propuesta socialista. “Tamos falando d’amontar la protección y cobertoria de 46.000 persones que nesti momentu nun reciben nengún tipu de prestación.

N’I+D+i , los planteamientos d’Izquierda Xunida diverxen de los de la FSA: “nun creemos la propuesta del modelu que se ta plantegando pola Conseyería d’Economía. Apuesten pola empresa, nós pola Universidá”, esclarió González Orviz, quien añedió que ye precisamente la Universidá quien abandera n’Asturies la investigación. “Por eso plantegamos una medría de 15 millones pa planes d’investigación y pa gastu corriente de la Universidá de forma que, de primeres, déxe-y sobrevivir dempués de los axustes que fixo, segundu, caltener proyectos en cursu y, en tercer llugar recuperar investigadores y proyectos que por falta de financiamientu nesti momentu paráronse”.

En Mediu Rural, tamién se plantega una intervención vía presupuestos pa garantizar la so viabilidá futura. Nesti sentíu, el coordinador xeneral d’IX señaló que los efectos del gastu públicu son bien importantes dende la perspectiva del desenvolvimientu de zones desfavorecidas. Les llínees d’intervención pasen por incorporar xente nuevo al mediu rural, modernización d’esplotaciones, contratu territorial d’esplotación y ayudes agroambientales. “Plantegamos daqué tan revolucionariu como caltener el presupuestu de 2013, y que yá vimos que lo trata de retayar nel orde de 7,5 millones”, afirmó. Otres midíes son desaniciar los efectos de la eliminación de los subsidios estatales a la vivienda y qu’algamen los 50/60 euros per mes y familia. “Nun plantegamos que con calter xeneral aplíquese, pero si plantegamos qu’hai qu’ayudar a munches families que taben nesa situación, compensando la subsidiación que l’Estáu retirólos”. Nel mesmu sector, para IX ye una prioridá la rehabilitación del parque de viviendes públicu d’Asturies y que daríen respuesta a les necesidaes de families que fueron desanunciaes, ente otres. Nel ámbitu municipal, reclámase la recuperación del fondu incondicionado pa los Conceyos, con una partida de 8,5 millones d’euros. El coordinador d’IX sollertó amás de la llei de reforma de l’alministración local y que va suponer dexar desoyíes prestaciones qu’agora son asumíes polos Conceyos, como les ayudes a l’alimentación o la rede d’escueles de 0 a 3 que, na so opinión, tendría d’asumir la Comunidá Autónoma.

El Grupu Parlamentariu d’IX, ICV-EUiA, CHA, al traviés del so voceru, José Luis Centella, esixó ayeri “verdá, xusticia y arreglu” pa les víctimes de la dictadura franquista. Centella tachó de barbaridá histórica que “el dictador siga soterráu nun gran monumentu ente que les víctimes siguen nes fueses”.

El diputáu d’IX per Sevilla realizó estes declaraciones a les puertes del Congresu demientres un alcuentru colos medios de comunicación nel que voceros de la Plataforma pola Comisión de la Verdá y representantes de los grupos parlamentarios promotores de la iniciativa –ente ellos IX, ICV-EUiA, CHA- esplicaron y valoraron la proposición non de llei que se rexistró de siguío na Cámara Baxa na que s’encamienta al Gobiernu del PP a crear una Comisión de la Verdᒠqu’esclarie ya investigue los crímenes cometíos mientres el franquismu.

Al pie de los miembros de la Plataforma constituyida por más de 100 asociaciones de la Memoria, familiares y víctimes de la dictadura-, Centella señaló que “esti país precisa verdá, xusticia y arreglu, precisamente pa cerrar feríes”.

“Dende’l Grupu de La Esquierda Plural -esplicó- sentímonos dafechu identificaos con esti pidimientu”, de la que refugó a quien “acusen inxustamente de querer abrir feríes” porque “ye tolo contrario”. Según Centella, “les feríes van cerrase nesti país cuando de verdá les víctimes tengan el mesmu tratamientu que los verdugos y sían reconocíes como les que llucharon pola democracia”.

N’opinión del voceru parlamentariu d’IX “ye una vergüenza que tengamos que dir a Arxentina pa que se faiga Xusticia colos crímenes, asesinatos y tola represión del franquismu”. Esta alusión facía referencia a la investigación abierta pola xueza arxentina María Servini sobre les tortures y la represión perpetrada por dellos antiguos miembros de les fuerces de seguridá demientres la dictadura franquista. La proposición non de llei rexistrada güei encamienta al Gobiernu a crear una Comisión de la Verdá que nel plazu de dos años desaterrara les cerca de 2.500 fueses comunes esistentes n’España.

Nun comunicáu fechu públicu esti día, l’asociación N’AST llamenta “la ocasión perdía de consiguir financiamientu estatal pa l’Academia de la Llingua Asturiana (ALLA)”. Nos caberos díes el Congresu los Diputaos acoyó la votación de delles enmiendes presentaes polos estremaos grupos parllamentarios a los Presupuestos Xenerales del Estáu pal añu 2014 y una d’elles, presentada por Enrique Álvarez Sostres, diputáu de Foro Asturias, pidía apurrir 145.000 € a la institución asturiana, que nun tien fondos públicos estatales al nun ser l’asturianu llingua oficial. La enmienda foi refugada colos votos de PP, UPyD y ERC, polo que l’ALLA va siguir ensin recibir nin un céntimu d’un presupuestu al que contribuyimos tolos asturianos.

En N’AST llama-yos especialmente l’atención “el votu a la escontra d’Esquerra Republicana de Catalunya, formación que supuestamente ye sensible al fechu diferencial asturianu (nel pasáu incluso foi socia de la organización política Andecha Astur na coalición Europa de los Pueblos), pero ye bona preba de que, a la hora la verdá, ca ún mira namás que polo suyo”.

Yá nun-yos sorpriende tanto la postura de los diputaos asturianos, “especialmente de Gaspar Llamazares, que s’abstuvo na votación, ello ye, nun votó a favor de la midida. Izquierda Xunida, igual que pasare apocayá col casu de les multes de Mieres, tornó a quitar la mázcara cola que s’antroxa de defensora de la llingua asturiana pa dexar bien nidio qu’una cosa ye lo que dicen defeder y otra lo que realmente defenden”.

En resume, pa N’AST nun sólo l’ALLA vieno acabante de perder 145.000 €, “ye Asturies la que los pierde, y esti fechu vuelve a poner bien a les clares la situación d’anormalidá democrática que tamos viviendo n’Asturies, derivada de la falta d’oficialidá de la llingua asturiana, y la necesidá de la mesma –la oficialidᖠqu’ampare los drechos llingüísticos del pueblu asturianu y que, en casos como esti, favorezca la llegada de perres de los Prespuestos Xenerales del Estáu a Asturies, que nunca nun tan de más”.

El Congresu de los Diputaos trató durante los caberos díes distintes enmiendes presentaes polos grupos parllamentarios en rellación colos Presupuestos Xenerales del Estáu del añu viniente y refugó les dos presentaes por Foro ya IX empobinaes, dambes les dos, a dotar d’un presupuestu estatal d’unos 145.000, nel casu de FORO, y 75.000 nel d’IX a l’Academia de la Llingua Asturiana, privada de dineru públicu estatal por nun ser l’asturianu una llingua cooficial. Lo ablucante ye que votaron a la escontra UPyD y ERC, mentantu’l PSOE s’amosaba favoratible.

Na votación de la enmienda presentada pol diputáu de Foro Enrique Álvarez Sostres, los representantes políticos nel congresu español votaron mayoritariamente a la escontra de la propuesta, colos votos negativos de PP, UPyD y ERC, sorprendiendo esti últimu casu, ya que la formación independentista catalana refugó la propuesta, votada a la escontra polos sos 3 diputaos, cuando otres vegaes manifestárase favoratible a tener bon tratu pa col asturianu.

Na enmienda de FORO prodúxose l’abstención de Gaspar Llamazares, diputáu d’Izquierda Xunida pola circunscripción asturiana, y únicu representante del grupu parllamentariu “Izquierda Plural” que nun votó a favor de la midida, sigún desplicó porque nun recibió la propuesta de Foro. Llamazares votó favoratiblemente la enmienda d’IX. A lo postrero, l’Academia de la Llingua siguirá ensin recibir un solu céntimu por parte del estáu español nel PXE pa 2014.

Los representantes de Izquierda Unida y de Foro Asturias en el Congreso de los Diputados presentaren en so día dos enmiendes pa que los Presupuestu Xeneral del Estáu de 2014 incluyera una partida pa la Academia de la Llingua Asturiana. El forista Enrique Álvarez Sostres pidía 143.000 euros ya IX reclamaba 75.000.