FiestesMúsica Venti años de Tejedor n’Avilés despiden San Agustín by redacción asturnews 31 d'agostu, 2015 Los Tejedor celebraron venti años sobro los escenarios d’Avilés despidiendo esta fin de selmana la programa festiva de San Agustín con un conciertu que va tardar n’escaecese. L’ésitu de públicu afita’l trabayu d’esta familia de músicos que vien de facer lo mesmo nel Festival de Lorient. Siguir lleendo 31 d'agostu, 2015 0 FacebookTwitterPinterestEmail
FiestesMúsica Hector Braga punxo banda sonora al Certame de Cabrales by redacción asturnews 30 d'agostu, 2015 El Parque d’Arenas de Cabrales foi esti sábadu l’escenariu del III Festival Picos d’Europa, que sirve d’entamu musical al Certame del Quesu Cabrales que se desenvolvió a lo llargo del domingu. La presencia del recién ganador del Troféu MacCrimmon en Lorient, el gaiteru Álvaro Álvarez, y d’Héctor Braga que tuvo tamién presente na mañana del domingu nel Certame queseru foron les estrelles d’un cartel vien curiosu. Siguir lleendo 30 d'agostu, 2015 0 FacebookTwitterPinterestEmail
FiestesMúsica San Mateo 2015: “playback” en llugar de conciertos by redacción asturnews 27 d'agostu, 2015 Una bona representación de músicos asturianos averáronse esti miércoles al Cá Beleño pa defender la música en vivu n’Uviéu y sofitar a los hosteleros que programen conciertos. Aconceyaron cola vicealcaldesa Ana Taboada y el conceyal d’Urbanismu, Ignacio Fernández, les sos moliciones y reclamaciones, dempués de que’l Conceyu prohibiera los conciertos nel Cá Beleño. Siguir lleendo 27 d'agostu, 2015 0 FacebookTwitterPinterestEmail
Festival de LorientMúsicaVidios El Trasno fai en Lorient que “Axeitín” seya’l discu más premiáu d’Asturies by redacción asturnews 17 d'agostu, 2015 La Banda de Gaitas El Trasno de Cuaña llogró esti sábadu en Lorient que’l so discu de 2013 “Axeitín” pasare a ser el discu más premiáu d’esta década n’Asturies. La pieza culpable foi’l “Solo Number five” de Percusión que compuxera Javier Tejedor y que nel 2003 algamara’l segundu premiu del concursu de percusión de Lorient. A la segunda foi la bona. Siguir lleendo 17 d'agostu, 2015 0 FacebookTwitterPinterestEmail
Festival de LorientMúsica Les dos cares del mesmu maravedí: Tejedor en Lorient by Próspero Morán 11 d'agostu, 2015 Esta ye la “época aurea” de la música asturiana.. Y nel gobiernu del “Principado” (como dicen n’Andecha Astur) y nes instituciones más rancies (que son cásique toes), nun son a comprendelo.. Nin sofitalo.. Otra xeneración que va perdese por mor de l’ausencia de xacíu y la falta de procuru. Y Tejedor ye l’exemplu más fiel d’esto que tamos perdiendo.. Munches oportunidaes. Bastaron 24 hores en Lorient pa recorda-ylo a tol que taba ellí. Y pa que se lo perdiere Asturies… otra vuelta. Y sí.. sei que sí. Siguir lleendo 11 d'agostu, 2015 0 FacebookTwitterPinterestEmail
Festival de LorientMúsicaVidios Álvaro Álvarez gana’l MacCrimmon del 30 aniversariu by redacción asturnews 8 d'agostu, 2015 Álvaro Álvarez algamó esti sábadu la 30 edición del Troféu Mac Crimmon que’l Festival de Lorient dedica a los solistes de gaita y nel que compiten tolos años cuatro gallegos y otros tantos asturianos. La mocedá y calidá de los instrumentistes dexó ablucaos otru añu más al públicu bretón que foi esti añu mas renuente a seguir el desenvolvimiento del concursu, lo que fizo que sólo se dieran los tes primeros puestos nel resultáu final. Siguir lleendo 8 d'agostu, 2015 0 FacebookTwitterPinterestEmail
Música Stormy Mondays adelanta trés temes del so nuevu discu by redacción asturnews 29 de xunetu, 2015 Stormy Mondays, el grupu que conquistó l’espaciu en ganando un concursu de la NASA y xubió los sos soníos al tresbordador espacial, va publicar un nuevu trabayu’l próximu mes de setiembre y fixo un adelantu de los nuevos soníos en forma de single con trés tarrezas. Estos nuevos cantares pueden escuchase dende yá al traviés de les plataformes dixitales Spotify, iTunes y Amazon y sirven de aperitivo pal nuevu doble EP que va ver la lluz el mesmu 1 de setiembre y que va tar disponible en tiendes el día 11. Colos títulos Wading The River y The Lay Of The Land, la banda asturiana compunxo 12 temes (6+6) onde s’atopa so rock de siempre pero tamién munchos nuevos preseos que nunca usara, xunto con orixinales soníos. El nuevu ya inminente trabayu va editase so llicencies llibres y nos formatos CD y Vinilu. “Lo que más va llamar l’atención ye la incursión nel folk-rock, un soníu que yá taba presente en Stormy Mondays y que nesta ocasión quixímos esquizar más a xeitu”, anota Jorge Otero, voz, guitarres, harmónica y mandolina, quien añede la vocación de la banda de tocar en grandes festivales de folk. El grupu d’Uviéu, nacíu en 1991 y con 14 discos nel so currículum ente LP, EP, vinilos, directos y singles, completase con Pablo A. Bertrand (pianu, órganu y coros), Dani Menéndez (guitarres y coros), Danny Montgomery (batería), y Rafa Sánchez (baxu y coros), y puede presumir, ente otros finxos, de tocar con nomes como’l mesmu Bruce Springsteen y d’actuar en festivales como’l de Woodstock ante más de 50.000 persones. 29 de xunetu, 2015 0 FacebookTwitterPinterestEmail
Música Skontra entama la xira del so nuevu discu ‘Foguera’ by redacción asturnews 21 de xunetu, 2015 La banda entama esti xueves la so xira con conciertos n’Asturies, Cantabria y País Vascu Siguir lleendo 21 de xunetu, 2015 0 FacebookTwitterPinterestEmail
Música Festival en Candás by redacción asturnews 17 de xunetu, 2015 El Festival de Bandes de Gaites Villa de Candás axunta conciertos de N’Arba, Borja Baragaño Tríu y Camille Levecque Siguir lleendo 17 de xunetu, 2015 0 FacebookTwitterPinterestEmail
Música La Coral de Ribadeo celebra so 60 aniversariu by asturnet 26 de xunu, 2015 El Coru de la Fundación Princesa d’Asturies va ufiertar, con motivu del 60 aniversariu de la Coral de Ribadeo, un conciertu mañana sábadu, 27 de xunu, a les 20.30 hores nel Auditoriu Municipal Hernán Naval de Ribadeo (Llugo). So la dirección de José Ángel Émbil, el programa va encetar un repertoriu qu’inclúi temes relixoses del Renacimientu y del Barrocu, polifonía de compositores de los sieglos XIX y XX, música pop y cantares tradicionales asturianes. El conciertu ye de llibre accesu hasta completar aforu. El Coru de la Fundación Princesa d’Asturies foi creáu en 1983 y ta consideráu como una de les formaciones amateurs más importantes d’Europa y tien un reconocíu prestíu nel ámbitu internacional. Dende la so creación, Jesús López Cobos, Premio Príncipe d’Asturies de les Artes en 1981, ye’l director honoríficu de los coros, cargu que comparte na actualidá con Krzysztof Penderecki, que recibió nel añu 2001 el mesmu galardón. N’avientu de 2007, el Parlamentu Européu estremó al Coru con una reconocencia estraordinaria “pol so destacáu serviciu en pro de la Unión Europea”. Con muncho ésitu, realizó xires per Europa y Oriente Mediu y celebró conciertos en Rusia al pie de la Orquesta Filarmónica de San Petersburgo y Los Virtuosos de Moscú. 26 de xunu, 2015 0 FacebookTwitterPinterestEmail