Educación

La Universidá d’Uviéu va empecipiar cola Escuela Politécnica de Xixón (EPI) una campaña d’espardimientu y captación d’alumnos para’l grau d’Inxeniería de Datos que va impartir el centru del campus de Xixón a partir de setiembre, con 60 places y na modalidá semipresencial.

Un estudiu de la Universidá d’Uviéu cuantifica l’impactu de la educación superior sobro la crecedera económica de les rexones y darréu d’ello asitia a Asturies ente les comunidaes que más beneficiu económicu va recoyer.

La plataforma Asturies por una educación presencial, segura, calidable y ensin discriminación yá tien previstos los siguientes pasos dempués de que la Comisión de Derechos Fundamentales de la Xunta Xeneral refugara los sos pidimientos, incluyendo dir al Defensor del Pueblu y recurrir al Parlamentu Européu y, si fuera necesario, a los tribunales.

La conceyala d’Educación, Nuria Delmiro, participó esti martes na cuarta xunta de la rede temática “Modelos de Trabayu Cooperativu: re-acción d’una ciudá educadora”, qu’Avilés lidera dientro de la Rede Estatal de Ciudaes Educadores (RECE). Na xunta, que se celebra de manera telemática dende les 9 hores, participen 34 técnicos y técniques de los 23 conceyos que confirmen la rede temática.

El Ministeriu d’Educación quier tener llistos en septiembre los cuatro decretos que van afitar los aspeutos básicos de los nuevos currículos d’Educación Infantil, Primaria, ESO y Bachilleratu, los que van aplicar el núcleu de la Lomloe a partir del cursu 2022-23.

Daqué más del 10% de los titulaos n’Asturies trabaya, cinco años depués de graduase, nel estranxeru, siendo’l porcentaxe más eleváu d’España; mentantu que menos del 6% trabaya por cuenta propia, la segunda menor proporción del país.

El Ministeriu d’Universidaes va llindar los precios públicos de les tases universitaries para’l próximu cursu 2021/2022. La propuesta del Departamentu que dirixe Manuel Castells encetóse esti llunes na Conferencia Xeneral de Política Universitaria.

Un total de 18 centros educativos d’Avilés participen nel proyectu “La cápsula del tiempu”, impulsáu por Ayuda en Acción Asturies, en collaboración cola conceyalía d’Educación del Conceyu d’Avilés, la Universidá d’Uviéu y l’Axencia Asturiana de Cooperación al Desenvolvimientu.

El Gobiernu comprometiose esti mes a invertir en cuatro años 1.500 millones d’euros pa modernizar y potenciar la Formación Profesional, por considerar que ye l’elementu clave pa disponer de mano d’obra cualificada y competitiva pa los empleos que va xenerar la digitalización acelerada de la economía.