García Granda toma posesión na Biblioteca la Universidá esti llunes pola numberosa asistencia prevista

El nuevu Rector de la Universidá d’Uviéu, Santiago García Granda, va tomar posesión del so cargu nuna ceremonia que se va celebrar esti llunes, a les cinco de la tarde, na Biblioteca de la Universidá, nel Edificiu Históricu , en llugar de nel Paraninfu como taba previsto, pola numberosísima asistencia que ta prevista.

Al actu oficial ta previsto qu’asista, ente otros representantes institucionales, el presidente asturianu, Javier Fernández. García Granda, catedráticu de Química Física y Analítica, ganó’l pasáu 28 d’abril la segunda vuelta de les elecciones al Rectoráu, al llograr el 51,17% del votu ponderáu.

Esta selmana ya fizo anuncia del nome de los que van componer el so equipu rectoral, menos la persona qu’ocupará la Xerencia, que va conocese depués de que se celebre’l mesmu llunes a la una de la tarde una xunta del Conseyu Social de la Universidá.