Samartín de Les Tortielles 2018 entama marzu na Cuenca del Nalón

La edición d’esti 2018 de Samartín de Les Tortielles va celebrase del vienres 9 al domingu 11 de marzu en venticinco establecimientos del conceyu del Valle del Nalón con un completu programa d’actividaes alrodiu la tortiella.

Samartín de les Tortielles na so séptima edición celébrase los díes 9, 10 y 11 de marzu, en venticinco establecimientos hosteleros del conceyu, distribuyíos poles localidá de Blimea, Sotrondio y L’Entregu, al preciu de 1,80 euros la ración. La organización cuerre al cargu de la Asociación d’Empresarios y Comerciantes del Conceyu (ECOSAM).

Los comensales van poder tastiar tortielles de lo más creatives ellaboraes con productos de primera calidá. La selección d’esta edición contempla tortielles de bacaláu, merluza, langostinos, vieires o centollu, xuntu con otres de choscu, panceta, cogordes, xamón, espinaques o pimientos del padrón; que van venir arreglaes con mueyos variaos de oricios, marinera o curry, amás de cremes de calabaza, con sidra, quesos asturianos o nueces, ente otros aderezos.

Tola información relativa a esti eventu gastronómicu puede consultase al traviés del gastromapa disponible nel siguiente enllaz o aportando a la páxina de ECOSAM en Facebook.