Rubén d’Areñes recibe güei’l primer premiu del Concursu de Microrrellatos d’Avilés

Redacción.

Güei, llunes 20 d’agostu, ye’l ‘llunes d’asturianía’ n’Aviles, un día organizáu pola Asociaciones de Vecinos El Hórreo del Carbayedo. El día inclúi un festival de tonada pela nueche y a les ocho la tarde la entrega de los premios del Concursu de Microrrellatos, onde los ganadores van lleer los sos cuentos.

El ganador d’esti añu foi Ruben d’Areñes por ‘La siya de Delfina’. L’autor ye habitual de revistes como Lletres Asturianes o Formientu.

Ente los finalistes tán otros rellatos titulaos ‘Cafe Pirata’, de Braulio Guerra, ‘Garrái al lladrón’, d’Alfaraz, y ‘A eso das dúas’, de Luisa Mendez Fernández. Esti yera’l I Concursu de microrrellatos que convocaba l’Asociación cola collaboración de la Estaya de Normalización Llingüística del Conceyu d’Aviles y la iniciativa facíase dientro del programa de fiestes de San Roque d’esti añu, qu’entamaren nel barriu avilesín d’El Carbayedo la selmana pasada.