Portada Festival de Lorient Rubén Alba torna al escenariu nel que ganara’l MacCrimmon en 2002 y 2006

Rubén Alba torna al escenariu nel que ganara’l MacCrimmon en 2002 y 2006

by redacción asturnews

Ún de los gaiteros asturianos más premiaos en Lorient, ganador del MacCrimmon per dos vegaes, Rubén Alba, foi protagonista nel Palaciu de Congresos de Lorient de la tardi del xueves cola so banda, na que yera la segunda actuación nel Festival nel que presenta’l so discu “Despertar”.

La banda del gaiteru d’Avilés ya diere un avance de lo qu’esti discu ufre nel ‘Espace Bretagne’ onde actuara na nueche del miércoles,  presentando per primer vegada énte’l públicu bretón los temes del so álbum de debú ‘Despertar’, asoleyáu nel 2018. Pero l’escenariu del Palaciu de Congresos ye más afayadizu pa notar les posibilidaes que l’amestadura del folk tradicional y del son de gaiteru solista de Rubén col rock y dellos otros estilos populares más mozos que’l folklóricu da de sí. La compaña qu’escoyera pa esti viaxe nun podía sewr meyor, entamado por un veteranu de la esacena asturiana nel festival, Marcos García, al acordión, y dellos otros músicos con tables enforma: Senén a la batería, ‘Capin’ al baxu, Nel a la guitarra, Rubén Álvarez a la guitarra eléctrica y Richard García a los teclaos.

Mientres una hora llarga d’un conciertu qu’entamó cásique a lesa cuatro y media,  Rubén Alba y la so banda volvieron xubise al escenariu del Palaciu de Congresos na tarde d’ayeri xueves con una gran asistencia de públicu y afaciendo el so conciertu a un públicu aposentáu, lo que fizo escoyer “Olaya” como la primer pieza del conciertu. Pero bien ceo, ‘La Marcha del 3T4″ punxo otra vuelta les coses clares a un públicu que ya viere ganar al d’Avilés en 2002 y 2006 nesi mesmu escenariu’l Troféu MacCrimmon.

El conciertu de la nueche anterior nel Espace Bretagne amosó la calidá técnica del gaiteru asturianu y de un directu llimpiu y sinceru que’l públicu bretón premió non sólo con aplausos sino tamién con complicidá cuando sonaron cancios como ‘Enol’, ‘El viaje’ o ‘La luz’ y que finó con ‘Derspertar’, el single d’esti primer álbum.

 

Tamién te podria gustar