Portada Cine Resolvimientu de les convocatories d’artes visuales y espectáculos

Resolvimientu de les convocatories d’artes visuales y espectáculos

by redacción asturnews

Con fecha 3 de xunu de 2022 axuntó la comisión de valoración de la convocatoria pa la selección de propuestes pa la ellaboración d’un catálogu de proyectos espositivos y posterior programación nel Principáu d’Asturies.

A partir d’esta publicación empecipiarán los trámites alministrativos necesarios pa la formalización de les contrataciones y la documentación riquida nes bases de la convocatoria, va empecipiase’l procesu de producción y va ellaborase el catálogu de proyectos que se va poner a disposición de los Conceyos nel mes d’ochobre para la so programación en 2023.

Descargar el resolvimientu

Nesta selmana quedó tamién resuelta la convocatoria de  la selección de propuestes d’espectáculos pal programa Vamos! 2022-2023

L’oxetu de la convocatoria yera crear un catálogu que va sirvir como base para la selección los espectáculos que se van incorporar na programación de Llaboral Ciudá de la Cultura para’l periodu entendíu ente’l 1 d’ochobre de 2022 y el 30 de xunu de 2023.

La valoración de los proyectos foi realizada dende l’área de Xestión d’Espacios de Llaboral Ciudá de la Cultura y la calificación de les propuestes presentaes como “Aptes” y “Non aptes”,realizóse en base a la so adecuación a los criterios establecíos nes bases de participación.

Tres la evaluación de los proyectos presentaos a la convocatoria, determinóse que toles propuestes son aptes pa formar parte del catálogu que va sirvir como base pa escoyer los espectáculos que se van incorporar a la programación de Llaboral Ciudá de la Cultura pal periodu entendíu ente’l 1 d’ochobre de 2022 y el 30 de xunu de 2023.

Tomando como base’l catálogu ellaboráu a partir de la presente convocatoria y, teniendo en cuenta’l presupuestu disponible y les característiques de selección establecíes nes bases, pal periodu entendíu ente’l 1 d’ochobre de 2022 y el 30 de xunu de 2023, ta prevista la programación de los proyectos que s’indiquen de siguío.

Más información

Tamién te podria gustar