Portada Conceyos Reclamen l’usu de la toponimia asturiana al Puertu d’Avilés

Reclamen l’usu de la toponimia asturiana al Puertu d’Avilés

by asturnet

L’Asociación L’Arfueyu, ta acabante reclamar a l’Autoridá Portuaria del Puertu d’Avilés que cumpla la llexislación vixente y respete la toponimia tradicional asturiana. Y ye que según espliquen dende L’Arfueyu “esti organismu oficial, na so páxina web, vien denomando al nuevu muelle de la marxe derecha de la ría avilesina como “muelle de Las Canteras”, cuando’l topónimu tradicional ye: L’Estrellín”. Por tantu esta asociación cultural solicita que l’Autoridá Portuaria pase a denomalu “muelle de L’Estrellín”.

En declaraciones feches a La Nueva España, el presidente de l’Autoridá Portuaria, defendió denomar al muelle como “Valliniello”, pol topónimu de la parroquia na que ta asitiáu esti muelle, de la que L’Estrellín ye un barriu.

Tamién te podria gustar