Comunicación Radio L.lena va emitir “Iniciativa pol Asturianu nes ondes” by asturnet 27 de xunu, 2012 written by asturnet 27 de xunu, 2012 40 Iniciativa pol Asturianu anunció güei que Radio L.lena va sumase a la rede de radios qu’emiten el so programa, Iniciativa pol Asturianu nes ondes. Radio L.lena súmase asina a esti proyectu al que yá se sumaren Radio Sele, AllerFM, Radio UJO y la emisora de Bruseles, Radio Alma, que lleva a los emigrantes asturianos na capital belga, les noticies de la reivindicación llingüística. El programa puede sentise amás na canal d’Ivoox de la organización, según espliquen. Radio L.lena volvió a emitir en 2011 dempués d’un parón de diez años. Emite nel 105.8 de la FM pa tol conceyu de L.lena. Dende Iniciativa pol Asturianu agradecieron “a Radio L.lena y a toles emisores que radien el programa la so collaboración nel espardimientu del llabor de la organización y de les noticies de la llingua asturiana”. “Iniciativa pol Asturianu nes ondes” ta dirixíu por Samuel Gradín, llocutor con llargos años desperiencia en medios como La Voz de Galicia o la RPA. A lo llargo de los alredor de sesenta minutos que dura la emisión de cada mes hai tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu. Sentir el primer programa d’Iniciativa pol Asturianu nes ondes 0 FacebookTwitterPinterestEmail Anterior Alderique sobrel futuru del sistema sanitariu nAsturies siguiente El minor de Filoloxía Asturiana tien abierta la matricula Tamién te podria gustar La normalización llingüística afitase dafechu nel Parlamentu La Delegación asturiana en Lorient protagoniza la xornada... Blanca Fernández foi la pregonera de la XXVII... Los partíos nacionalistes d’Asturies descarten presentase a la... La TPA recupera 40 años depués el resume... El Principáu y la UOC firmen un conveniu... David Guardado presentó “Nunca Vencida” en Xixón Asturies destaca en comprensión llectora AFA presenta na Escuela Comerciu de Xixón el... Uviéu programa’l ciclu Vetusta Jazz con artistes como...