Prisa fai anuncia del pieslle de Localia TV pal 31 d’Avientu

Prisa fai anuncia del pieslle de Localia pal 31 d’Avientu, dexando nel aire munches concesiones autonómiques y locales de la TDT en rexones como Andalucia o Asturies. Les canales asociaes como l’asturiana o la d’Almería van siguir en principiu un añu más.

El Conseyu d’Alministración de Pretesa, sociedá propiedad del Grupu Prisa, decidió esti xueves cesar l’actividá de Localia TV, onde trabayen ente 250 y 300 personas, según datos de la propia empresa.

El pieslle de Localia TV a nivel estatal aplicarase’l 31 d’Avientu nes emisores de les que Prisa ye propietaria na so totalidá, pero nes que tén asociaes, como l’asturiana, caltendrán la programación, en principiu, durante un añu más.

La decisión, que foi adoptada’l miércoles y comunicada’l xueves, tomase “poles dificultaes ya incoherencies que presenta’l marcu regulatoriu actual, por saturación de llicencies TDT y el desordenáu desenrrollu del sector, qu’imposibiliten la viabilidá del proyeutu”.

Prisa volvía marcar mínimos ayeri na Bolsa a 2,76 euros por aición, anque na parte final de la sesión algamó una xuba que la llevó a 2,95.