Presentose’l programa “Diversity Sparkles” pal Cuerpu Européu de Solidaridá

La conceyala de Mocedá d’Avilés, Raquel Ruiz, fizo la selmana pasada la presentación del proyectu solidariu “Diversity Sparkles”, que se va desenvolver de febreru a xunetu de 2020 n’Avilés. L’edificiu Fueru acoyó esti actu nel qu’un grupu de mozos y moces presentó esta iniciativa por aciu xuegos participativos y una merienda pa les persones asistentes.

Los oxetivos plantegaos para esti proyectu, financiáu pol programa Cuerpu Européu de Solidaridá de la Comisión Europea son:

• Diseñar y llevar a cabu 5 “vienres d’ociu”, unu al mes, con distintes temátiques que van ser: migración, xéneru, mediu ambiente, sexualidaes y persones mayores.
• Entamar y llevar a cabo talleres y actividaes para neñes y neños mientres les vacaciones de Selmana Santa.
• Fomentar al traviés de les actividaes propuestes l’intercambiu cultural y personal, según la integración de persones diverses.
• Conocer otres iniciatives que trabayen a nivel local fomentando la integración y l’inclusión.

Esti proyectu surde de la participación previa d’esti grupu nun intercambiu Xuvenil internacional en Portugal, desenvueltu’l pasáu branu en redol a la diversidá. Frutu de lo aprendío nesta esperiencia decidieron entamar, con sofitu de les técniques de Mocedá, un proyectu local para siguir esquizando esta temática.

“Diversity Sparkles” ta abiertu a la participación d’otres persones nueves interesaes n’esquizar esta tema. Pa contribuyir al so espardimientu creóse una cuenta específica na rede social Instagram: @diversitysparkles.