Presentóse’l programa del I Festival Castaña Folk de Les Arriondes

Esti xueves presentóse nel Cá Beleño d’Uviéu, el I Festival Castaña Folk d’Uviéu, que va celebrase’l sábadu en Les Arriondes. El Festival de música folk va entamar con un amagüestu popular na carpa asitiada nel parque La Llera de Les Arriondes, nesti amagüestu, que va entamar a les siete la tarde, va repartise sidra dulce de baldre.

A les nueve la nueche entama la música d’esti Festival y va facelo de la mano de les formaciones DRD, d’Asturies, Hartley que tien componentes d’Escocia y Asturies, el grupu Tanahill Weavers d’Escocia y como pieslle, a los asturianos Corquiéu. Una nueche pa disfutar de la nuesa cultura tradicional y de la música del arcu atlánticu.