Portada Lliteratura Preséntase la obra ganadora del Fierro-Botas d’ensayu 2012

Preséntase la obra ganadora del Fierro-Botas d’ensayu 2012

by asturnet

La presentación de la obra ganadora del Premiu d’Ensayu y Investigación “Fierro-Botas” del Conceyu de Xixón, “La botella de Xixón. Oríxenes y desendolcu hestóricu de la botella de sidra d’Asturies”, d’Inaciu Hevia Llavona va presentase esti xueves 14 de febreru a les 19:30 hores nel Salón de Recepciones de la Casa Conceyu, cola presencia del conceyal de Cultura, Carlos Rubiera.

“La botella de Xixón. Oríxenes y desendolcu hestóricu de la botella de sidra d’Asturies” ye la obra ganadora del quintu premiu Fierro Botas, y ye un trabayu d’investigación al rodiu d’un elementu cimeru de la cultura asturiana, como ye la botella de sidra, sobre’l qu’hai pocos estudios fechos. Inaciu Hevia Llavona (Xixón, 1965) ye etnógrafu y collaborador d’estremaes publicaciones especializaes onde tien asoleyaos dellos artículos, principalmente de tema hestóricu y etnográficu dende va más de quince años.

El premiu, concedíu por mayoría del xuráu, quixo premiar lo novedoso del tema, rescamplando sobre manera la conxugación que l’autor fai ente’l patrimoniu cultural y etnográficu, la cultura popular y la industria; asina como l’apueste que fai por dar al mundu una mayor conocencia de Xixón y d’Asturies.

Tamién te podria gustar